Lo dimars 13 de decembre de 2022 los vint-e-sèt païses de l'Union s'acordèran sus un dispositiu per fin d'impausar als produches importats las règlas del mercat europèu del carbòni.

Entrò ara de produches coma l'acièr, los engraises, l'aluminium o lo ciment, que lor producion emet una quantitat importanta de CO2, demoravan fòra del mercat del carbòni tal qu'impausat dins l'Union, çò que penalizava la produccion domestica europèa. Las entrepresas que los vendon seràn oblijadas de crompar un drech de polluïr : d'ont mai la produccion serà costosa d'un punt de vist environamental d'ont mai lor calrà pagar.

L'acòrd trobat es una ajuda a la produccion domestica europèa, permetrà de limitar las delocalizacions de producion d'aqueles produches. Al delà es tanben un mejan de pesar sus la descarbonizacion en defòra de l'Union Europèa que las entrepresas que polluïsson lo mai seràn penalizadas.

Las règlas novèlas començaran progressivament d'èsser aplicadas tre lo 1èr d'octobre de 2023.