Foguèt desvelat lo 15 de març de 2017 lo projècte Occitanie Tower, la Torre Occitània. La siá construccion a Tolosa debriá èsser acabada per 2022.
Es l'arquitècte american Daniel Libeskind que ne serà l'autor. Farà 150 mètres de nautor.
Situada còsta la gara ferroviara Matabiau participarà al dinamisme del quartièr. Aculhirà de burèus, una ostelariá, de comèrcis e d'abitacions.
Lo projècte es menat per la metropòli de Tolosa e SNCF Immobilier. Lo promotor francés Compagnie de Phalsbourg es cargat de la construccion amb l'ajuda del cabinet tolosan Kardham.
Aquela torre serà al cap de las futuras ramblas de l'avenguda Joan Jaurés.
*
