Axiom Space a la debuta de 2025 precisèt lo programa de desvolopament de son estacion espaciala privada. Preveson de rendre independent sos moduls tre 2028.
L'ISS deu èsser operacionala fins a 2030.
Los planning prevei de montar :
- lo Payload Power Thermal Module (AxPPTM), puèi
- un primièr modul d'abitacion, l'Habitat 1 (AxH1),
- un modul d'intrada que dison airlock en anglés, element que permet d'intrar dins l'estacion,
- un segon modul d'abitacion, l'Habitat 2 (AxH2),
- e enfin lo Research and Manufacturing Facility (AxRMF).
L'entrepresa via un infografic precisèt la disposicion exacta de cadun dels moduls.
Infografic del montatge de l'estacion espaciala d'Axiom Space
Los desvolopaments se fan en collaboracion amb la NASA. La construcion dels moduls es assegurada per Thales Alenia Space. Axiom Space prevei de los assemblar pro rapidament un còp recepcionats a Houston als Estats Units.
