Lo 12 de febrièr de 2025 un plasma es estat mantengut pendent un pauc mai de 22 minutas, 1337 segondas exactament, dins lo tokamak WEST. Establissent un novèl recòrd.
L'anóncia es estada facha pel Comissariat a l'Energia Atomica (CEA). Lo tokamak WEST es situat a Cadaracha en Provença. Fonciona dempuèi 2016.
La temperatura del plasma es estada montada fins a 50 milions de grases Celsius.
Lo precedent recòrd èra detengut pel tokamak EAST chinés.
Dins los meses que venon los cercaires del WEST an l'intencion de manténer lo plasma encara mai de temps e de lo portar a una temperatura mai nauta.
Diferents aparelhs d'aquel tipe, dedicats a la recèrca, son actius de pel mond :
- lo JT-60SA al Japon :
- l'EAST en China ;
- lo KSTAR en Corée du Sud ;
- lo WEST a Cadaracha en Provença.
Lo tokamak europèu JET situat en Anglatèrra es el arrestat dempuèi la fin de 2023.
Totas aquelas maquinas permetan d'experimentar al còp l'obtencion, la dinamica e lo manteniment del plasma, mas permeton pas de far de fusion. Son de tokamaks tròp pichons per aquò. L'energia necessària ven de l'exterior. Es ITER de talha superiora que permetrà de ne far.
ITER es actualament en construcion sul site de Cadaracha.
La mestreja dels plasmas es essenciala per fin de poder deman produsir d'energia electrica mercés a la fusion d'idrogèn. ITER aurà per vocacion de permetre l'aprigondiment de las coneissenças necessàrias per definir de modèls de tokamaks a vocacion industriala.
Profil del tokamak WEST
