L'astronau espaciala Dragon que s'estaquèt a l'Estacion Espaciala Internacionala (ISS) lo dimenge 17 de mai de 2026 conteniá la combinason dicha Eurosuit.
Aqueste vestit espacial es estat desvolopat per d'actors europèus : lo CNES, Spartan Space, Medes e Decathlon pel compte de l'Agéncia Espaciala Europèa (ESA). Deu èsser testat en orbita per l'astronauta Sophie Adenot.
Aqueste equipament a per vocacion d'aparar los astronautas dins las fasas criticas dels vòls (partença e aterratge). S'emplega al dintre del vaissèl unicament id est per d'activitats intraveïcularas (IVA : Intra-Vehicular Activity). Segon los fabricants se pòt metre aisidament en mens de doas minutas.
Son estructura de teissut tecnic estratifiat combina de polièster renforçat, d'elastan e de polimèrs soples, permet una pressurizacion mecanica leugièra. Las calçaduras inegran un sistèma d'ancoratge magnetic e de sòlas a memòria de forma adaptada a la microgravitat.
Lo casco dispausa d'un ecran e d'un sistèma de comunicacion avançat.
Sophie Adenot validarà son usatge en microgravitat.
Lo CNES es lo Centre Nacional d'Estudi Espacial francés.
Spartan Space es un start-up basada prèp de Marselha especilizada dins la concepcion de solucions per las intervencions umanas dins d'environaments extrèms.
Lo Medes es un centre d'expertiza sus la medecina espaciala basat a Tolosa que desvolopa de solucions per susvelhar la condicion fisica dels astronautas en mission.
Decatlhon es un ensenha de venda de vestits d'espòrt.
Eurosuit a per vocacion de venir lo vestit de proteccion dels astronautas europèus.
Lo vestit espacial Eurosuit presentat en 2026
