Boeing desvolopa dempuèi 2010 la capsula CST-100, veïcul de transpòrt entre la Tèrra e l'orbita bassa.
Concebuda per poder transportar fins a sèt personas o de merças, la CST-100 Starliner passèt pas lo primièr tèst que li es estat impausat en 2019 : se posquèt pas estacar a l'ISS. Lo vòl, sens passatgièr foguèt renovelat en 2022. Aqueste còp tot se passèt plan.
Un tresen vòl, abitat aqueste, èra previst per 2023. Aguèt pas luòc. Es previst per 2024.
Lo sigle CST es per Crew Space Transportation. La chifra 100 es per l'altitud a la quala se tròba la linha de Kármán, limit entre l'atmosfèra terrèstra e l'espaci : 100 km.
Pel moment sonque la capsula Dragon Crew de SpaceX es emplegada pels Estats Units per mandar d'astronautas dins l'espaci.
