Dempuèi lo primièr de mai de 2022 totes los veïculs produsits en Euròpa seràn equipats d'una bóstia negra, notadament las veituras.
Aquesta permetrà d'aver d'informacions tecnicas sus l'anament del veïcul qualques segondas abans e après un eventual accident. Seràn notadament registradas : la velocitat, las activitats ligadas als frens, l'activitat del motor, l'acceleracion.
La decision d'aquipar totes los veïculs nòus, veituras, camions, autocars, torna montar a un vòte del Parlament Europèu en 2019.
Sonque las trentas segondas que precedisson l'accident e las dètz segondas d'après seran disponiblas. Las donadas vièlhas seràn escafadas de contunh.
Cap de donadas privadas seràn pas registradas. Los sons per exemples dins l'abitacle seràn pas registrats.
