La societat Orbit Fab posquèt levar en 2023, un pauc mai de 30 milions de dolars per desvolopar de solucions de recarga en carburant pels satellits en orbita bassa.
Los entreprenaires creators d'Orbit Fab son partit d'una constatacion plan simpla : los satellits accaban lor vida, non pas perqué son usats e que foncionan pas pus, mas perqué an pas pus de carburant.
Los engenhaires an d'en primièr desvolopat en collaboracion amb los fabricants de satellit un pòrt estandard per los poder recargar. En 2019 lo protocòl desvolopat, RAFTI per Rapidly Attachable Fuel Transfer Interface, es estat per primièr còp esprovat per recargar l'ISS en aiga.
Lo material d'Orbit Fab en orbita s'estacarà als satellits via aquel pòrt per emplir las sèrvas.
Orbit Fab trabalha en collaboracion amb lo governament federal dels Estats Units per desvolopar de solucions de recargament dels satellits de las Space Force.
Orbit Fab es estada fondada en 2018. Preveson de poder liurar d'idrazina (N2H4) en orbita tre 2025.
