L'estacion d'Axiom Space
L'estacion d'Axiom Space tala qu'imaginada per sos conceptors © Axiom Space, 2024

La fin de l'ISS s'apròcha. Sa construccion debutèt en 1998 e dempuèi fonciona sens relambi. La siá fin es pr'aquò programada pel decenni que ven. Un primièr programa de desorbitacion es estat presentat en 2022. Prevei la destrucion dels moduls per 2031.

Diferents actors se posicionan dempuèi qualques ans per repondre deman als besonhs d'experimentacion en microgravitat e permetre als umans de contunhar de viure de faiçon permanenta en orbita bassa. Son majoritariament basats al Estats Units.

  • Bigelow Aerospace. La societat es estada fondada en 1999 per Robert Bigelow amb l'objectiu de produsir d'abitacles espacials concebuts amb de materials soples que se pòdon desplegar. En 2006 metián en orbita un primièr prototip : Genesis I. Un segond mandadís foguèt efectuat l'an d'après en 2007 ; lo de Genesi II. En 2016 un tresen prototip, Beam, es estat mandat dins l'espaci e aqueste còp, arrimat al modul Tranquility de l'ISS. En 2024, Beam es encara estacat a l'ISS. Beam es l'acronim de Bigelow Expandable Activity Module. La societat Bigelow Aerospace comunica pas sus son site dempuèi 2019.

Beam

Lo modul Beam estacat a Tranquility. Se vei tanben sus la fotografia la copòla estacada ela tanben a Tranquility e, detràs, lo modul Leonardo de la NASA. Al luènh se devina lo modul japonés Kibō.

  • Axiom Space es una societat basada a Houston. Organiza dempuèi 2022 de missions privadas al dintre de l'ISS. Trabalha demai a la realizacion de sa pròpria estacion. Las primièras estructuras son en construcions amb lor partenari Thales Alenia Space. Lo primièr modul serà restacat al modul Harmony de l'ISS.
  • Gravitics es una societat basada a Seattle. Levèt en 2022 vint milions de dollars per desvolopar son estacion nomenada StarMax. Un primièr tèst sus tèrra aguèt luòc en 2023 sus un prototip per validar sa resisténcia a las nautas pressions. En genièr de 2024 presentavan un primièr modèl d'estructura per la futura estacion StarMax. Gravitics dispausa pas en 2024 d'estructuras en orbita bassa.

StarMax

Modèl de demonstracion a escala reala de l'estacion StarMax © Gravitics, 2024

  • Blue Origin e Sierra Space trabalhan amassa al desvolopament de l'estacion Orbital Reef. Lo 5 de genièr de 2024 la NASA anoncièt que donariá a Blue Origin 42 millions de dolars dins l'encastre de son programa d'ajuda al desvolopament d'estacions privadas.
  • Starlab Space coentrepresa creada per Voyager Space e Airbus, devolopa l'estacion Starlab. La collaboracion de las doas entrepresas es estada oficializada al mes de julhet de 2023. L'acòrd entre Voyager Space e Airbus pòrta sul desvolopament, la construccion e la gestion de l'estacion Starlab. Voyager Space es inclusa dins lo programa d'ajuda de la NASA. Son 57,5 milions de dolars que li son estats promeses lo 5 de genièr de 2024. Starlab Space anoncièt a la debuta de 2024 que son estacion seriá mandada en orbita bassas mecés a l'astronau Starship de SpaceX.

Starlab

L'estacion Starlab tala qu'imaginada © Voyager Space, 2024


Tecnologia : Tesla, una entrepresa de robotica ?

Tesla Bot

Lo 19 d'agost de 2021 se debanava lo AI Day de Tesla, jornada consacrada a l'intelligéncia artificiala.

Lo Parlament Europèu vota per l'adopcion d'una presa universala per cargar los aparelhs portatius

Presa USB-C

Lo dimars 4 d'octobre de 2022 lo Parlament Europèu adoptèt las preconizacions de la Comission relativa a la generalizacion de la prisa USB-C suls aparelhs portatius.

Montpelhièr : l'arpa del Senhor Guilhèm

En març de 2018 dins sa revista mesadièra la vila de Montpelhièr comunicava en occitan.

Sèrgi Viaule : critica del libre de Miguel de Unamuno 'Sant Manuel lo bon, martir'

Al cors de l'estiu de 2020, IEO Edicions publiquèt dins la colleccion Flor envèrsa Sant Manuel lo Bon, martir de Miguel de Unamuno.

Mission Artemis 1 : la fusada es partida

Artemis 1 : partença

La fusada de la mission Artemis 1 es partida lo dimècres 16 de novembre de 2022 emportant la capsula Orion. Objectiu : la Luna.

En 2022 la Megane Renault serà disponible en version electrica

Megane E-Tech

A la fin del mes de decembre de 2021 lo constructor Renault desvelèt los prèses de la Megane electrica que se pòt ja comandar. Dicha E-Tech serà disponibla en concession tre la prima de 2022.

Junh de 2023 : las vendas de veituras electricas despassan las dels diesèls dins l'Union Europèa

BMW i3

Segon las donadas de l'ACEA, l'Associacion dels Constructors Europèus d'Automobilas, las vendas de veituras electricas al mes de junh de 2023 despassèron las de las veituras equipadas d'un motor diesèl.

Automobila : lo novèl Scenic de Renault es electric

Lo Scenic E-Tech, produsit dempuèi 2024

Lo constructor d'automobila Renault desvelèt a la fin de 2023 sos projèctes pel Scenic.