Se tendrà a Tolosa del 18 al 21 de setembre de 2017
una sèria d'eveniments al torn dels drònes : de conferéncias,
un salon d'entrepresas, de competicions.
Aquò farà de Tolosa per qualques jorn la capitala mondiala del dròne. Mai de tres cent cercaires son esperats a aquel eveniment : l'IMAV per International Micro Air Vehicle conference and flight competition.
Aquela manifestacion se debanèt en 2015 en Alemanha e en China l'an passat, ongan es sus la basa aeriana de Francazal e dins los bastiments de l'ISAE-Supaéro que se debanaràn las manifestacions.
Aquel eveniment, après la creacion a Tolosa en 2015 d'un Gropament d'Interés Scientific (GIS) dedicat als miocrodrònes, permetrà localament d'ajudar los laboratòris de recèrcas que trabalhan al melhorament de las performanças d'aquel tipe de material.
