Lèu-lèu un teleferic a Tolosa
Es en construccion, entre l'oncopòli e l'universitat Paul Sabatièr, lo futur teleferic urban de Tolosa. L'obratge batesat Téléo permetrà de jónher aquelas doas plaças en un detzenat de minutas.
Son inauguracion es prevista per l'estiu de 2021.
Son 8 000 utilizators que son esperats cada jorn. Quinze cabinas permetran lor desplacament. Caduna podrà conténer fins a 34 personas. Una bilheta Tisséo sufirà per lo poder prene.
Aquel nòu mejan de transport es electric, fa pas de bruch, encombra pas las estradas. Permetrà de limitar lo trafic automobil tot en facilitant los desplacaments dels tolosencs.
