La societat americana Wright Electric en collaboracion amb EasyJet trabalha sul desvolopament d'avions a propulsion electrica. Las companhiás an presentat lor partenariat en setembre de 2017.
Preveson de poder assegurar de ligasons regularas d'aicí 20 ans entre de vilas pro pròchas, per exemple París e Londres o Nòva Yòrk e Boston.
Lo primièr prototip es previst per 2027, dins dètz ans. Auriá una autonomia de 540 km, per una capacitat de 120 a 220 passatgièrs.
La volontat de las companhiás aerianas de se liberar del tot petròli es fòrta dempuèi d'annadas. Pel moment los constructors màjer ne son simplament a desvolopar de tecnicas qu'esparnhan lo carburant. Per exemple amb las versions Neo a cò d'Airbus.
La societat Wright, tota joineta, es nascuda en 2016, amb una avion tot electric mena aquí una solucion radicala.
