Primièr vòl amb passatgièrs pel New Shepard
Lo dimars 20 de julhet de 2021 la societat Blue Origin mandèt pel primièr còp al delà de la linha de Kármán quatre passatgièrs. Tot s'es plan passat.
La fusada New Shepard mandèt per qualques minutas dins l'espaci una capsula que conteniá lo fondator de la societat Jeff Bezos, lo sieu fraire, Mark Bezos, Wally Funk e Olivier Daemen un jove de 18 ans, primièr client. Son demorat exactament tres minutas en microgravitat.
Lo New Shepard se tornèt pausar sol sens problèma. La capsula tornèt de son costat qualques minutas après alentida per de paracasudas per aterrar en doçor. Lo vòl total durèt onze minutas.
Contrariament a los de son concurent Virgin Galactic, los passagièrs de Blue Origin despassan la linha de Kármán que se tròba a 100 Km del sòl. Van donc ben dins l'espaci segon la Federacion Aeronautica Internacionala.
Demai per Blue Origin lo vòl es automatic ; i pas de pilòt.
