Lo dimars 5 d'abril de 2022 lo president executiu d'Arianespace, Stéphane Israël, anoncièt que son grop veniá de signar « lo contracte mai important de tota l'istòria d'Ariane ».
La comanda proven d'Amazon que prevei de metre en orbita dins l'encastre de son programa Kuiper mai de 3 000 satellits.
La constellacion Kuiper aurà per vocacion de permetre l'accès a l'internet naut debit sus la planèta tota d'aicí a 2030.
La societat europèa Arianespace es estada causida amb doas societats estatsunidencas : Blue Origin, la societat de Jeff Bezos, e sa fusada New Glenn ; e United Launch Alliance (ULA) e sos Vulcan.
Dètz-e-uèch lançament d'Ariane 6 son prevists sul total dels lançaments del programa que ne prevei un pauc mens de cent. Caduna de las fusadas serà cargada d'un minimum de trente satellits.
Lo primièr vol d'Ariane 6, fusada non encara explechada pel grop, es previst pel mes de decembre de 2022.
