Lo Centre Regional dels Ensenhaires d’Occitan (CRÈO) de Lengadòc e l’associacion per l’ensenhament bilingüe public ÒCBI, lançan un apèl a la mobilizacion per que siá mantengut lo cursus bilingüe occitan-francés de l'escòla mairala de Serinhan (Besierés).
La peticion se pòt signar sul site MesOpinions.
Lo cursus bilingüe occitan-francés de l'escòla de Serinhan se creèt en junh de 2023 e s’amodèt a la rintrada passada. Aquel site es ja menaçat : lo Comitat departamental de l’Educacion Nacionala (CDEN) pendent sa reünion del 9 de febrièr de 2024 anoncièt la supression d’aquel pòst.
Lo CRÈO Lengadòc a adreiçada una letra a la rectritz, a la directritz dels servicis de l’Educacion nacionala e al director adjonch, per tal de lor demandar de preservar la perennitat del site bilingüe.
