Lo dimècre 14 de julhet de 2021 la Comission Europèa desvelèt sas proposicions de lei per combatre las emissions de gases responsables del rescalafament climatic.

Ursula von der Leyen presidenta de la Comission declarèt : « Euròpa es desenant vertadièrament lo primièr continent a presentar una arquitectura senada per concretizar son objectius rapòrt al climat. »

La tòca es de far mermar de 55 % las emissions dels gases responsables del rescalfament d'aicí a 2030 e d'èsser neutre en 2050.

Una de la decision màger propausada per la Comission es d'enebir la venda de veïculs a propulcion esséncia o diesèl après 2035.

Las leis propausadas preveson tanben d'alargar lo camps del mercat del carbon e de taxar las merças importadas en foncion de la quantitat d'emission que lor produccion aurà generada. Lo kerosèn que pel moment escapa a las taxacions ligadas a las emission de CO2 seriá taxat tre 2023.

Las directivas desenhan un Euròpa sens veïcul a combustion, orientada vèrs la produccion d'energia renovelabla e dotada dels mejans necites per taxar los que poluïsson. Es tanben previst d'encorajar lo sector agricòla a stocar lo dioxide de carbone.

Las mesuras seràn discutidas pels païses de l'Union, per una eventuala adopcion pel parlament.