Son presents dins de produches emplegats correntament pels europèus de substàncias quimicas toxicas. Lo diluns 25 d'abril de 2022 la Comission Europèa publiquèt son plan per las eliminar.

Aquelas substàncias son dangièrosas al còp pels ciutadans e per l'environament, son presentas dins de produches que s'emplegan al quotidian : mòbles, joguets, embalatges, vestits, pinturas... Son de ftalates, de bisfenòls, de parabens, de policlorures de vinil... D'unas se pòdon accumular dins l'organisme sus tempses longs.

Al total son de milièrs de substàncias toxicas que la Comission vòl sortir del cicle de produccion e de l'environament dels europèus. Son presents dins quasi totes les produches fabricats industrialament.

Lo document detalha las diferentas restriccions previstas. Aquestas seràn mesas en plaça dins l'encastra d'una revision de la legislacion europèa sus los produches quimics.