Lo dimècres 18 de mai de 2022, Ursula von der Leyen, presentèt lo plan establit per la Comission Europèa per redusir las dependéncias energeticas de l'Union.

Aqueste plan prevei d'accelerar los desvolopaments de las energias renovelablas, de sensibilizar, via una campanha de comunicacion, los ciutadans per qu'esparnhen l'energia : una utilizacion atentiva permetriá de far baissar de 5 % lo consum de gas e de petròli.

Lo plan prevei tanben de generalizar las teuladas productrises d'energia. Aquo concerniriá primièr los bastiments comercials e public, puèi los bastiments a usatge d'abitacion.

La guèrra entamenada per Russia contra Ucraina al mes de febrièr tornèr far prene consciéncia als membres de l'Union de la necessitat de mestrejar la producion e lo consum d'energia e d'agir en consequéncia.

Aquelas proposicions devon desenant èsser discutidas e adoptadas pel Parlament de l'Union e lo Conselh.