Lo dimècres 15 de setembre de 2021 la présidenta de la Commission Europèa, Ursula von der Leyen, faguèt son discors sus l'estat de l'Union.
Apelèt a renforçar l'autonomia industriala de l'Union Europèa e a accelerar la bastisson d'una union de la defensa.
Segon ela lo moment es vengut per l'Union de s'organizar per poder luchar « contra las ciberatacas, agir aquí ont l'OTAN e l'ONU son pas presents e melhor mestrejar las crisas ».
La presidenta anoncièt tanben que l'an que ven al primièr trimèstre de 2022 seriá organizat una amassada sus la defensa europèa. « Podètz dispausar de las fòrças mai avançadas del mond, mas se sètz pas jamai prèstes a las utilizar, de qué sevisson ? » questionèt Ursula von der Leyen.
Al nivèl economic afortiguèt que lo plan pilòtat per la Comission per tornar aviar l'economia de l'Union seriá l'ocasion de bastir una economia mai verda e mai numerica tot en afortissent l'economia del continent.
Aquò èra lo segond discors sus l'estat de l'Union pononciat per Ursula von der Leyen.