Lo Centre Occitan Ròcaguda d'Albi comunica - La Dictada Occitana de 2017 en Albigés se farà lo divendres 27 de genièr de tal biais de poder aver de classas d’escolans entièras : esperam a Albi al torn de 210 enfants venguts d’Escòlas publicas e de Calandreta.
La dictada se farà sus un conte de Joan Bodon ; aurem una exposicion suls sieus contes e tanben un contaire que coneis plan Bodon : Jiròni Vialaret.
La caracteristica màger d’aquelas manifestacions es lo braçatge de las generacions. Siam contents d’aver los menuts mas Òu ! Nos cal atanben joves, miègjoves e ainats...
Participar a la dictada per los adults es un bon biais d’encoratjar los escolans a persègre lors estudis en occitan. Vos esperam per aquò nombroses e motivats : 13h45 a la Mouline, 2 carrièra de la Mouline, Albi.
