Lo Centre Occitan Ròcaguda (COR) d'Albi comunica :
Lo patrimòni lingüistic de l'occitan comença, per los qu'an un pauc (o completament) perdut son usatge, amb los sovenirs de joinessa, los parents, los pairins e tot lo vesinat de son enfança ; tornar prene contact amb el pòt començar per un partatge de son viscut amb d'autres, convivialament, pel plaser e tanben per tornar trapar los mots e l'usatge de la lenga.
Aquí la tòca del novèl talhièr del Centre Occitan Ròcaguda : Convèrsas e escambis, cada diluns a 16 oras.
Per lo demai, de talhièrs d'activitats al COR, n'i a, coma los provèrbis sus l'auta, per cada jorn de la setmana. Levat que, se « l'auta del diluns, lo dimars n'i a pas pus », a Ròcaguda, bufa tota la setmana !
Los dissabtes tanben son plan sovent ocupats per d'eveniments divèrses, descobèrtas d'autors occitans, estrenas de mòstras, conferéncias : tot aquò se pòt veire dins lo present programa :
Centre Cultural Occitan d’Albigés
28 carrièra Rochegude
81000 Albi
