Los tres primièrs calandrons bachelièrs en 2019
Après l'anóncia dels resultats al bachelierat de 2019 la Confederacion Calandreta comunica.
Tres primièrs bachelièrs
La Confederacion Calandreta es aürosa de felicitar los tres primièrs Calandrons que venon de capitar lor bachelierat. L'annada 2019 foguèt la primièra per Calandreta amb lo cursus complet de la mairala al bachelierat e volèm saludar Gaëtan Gaillard, Guilhem Montviloff e Arthur Villaroya per lor camin de precursors.
Mercés a la còla de professors, al director Patric Albert e Amaïa Cormier la coordinatritz del licèu de los aver acompanhats fins a la capitada.
Esperam veire dins las annadas venentas un fum de joves sortir d'un percors complet Calandreta, bilingües, ciutadans esclairats e dubèrts sul mond.
