L’amassada generala de 2023 l’Institut d’Estudis Occitans, aculhida per la seccion d’Avairon (IEO12), se debanarà a Rodés los 22 e 23 d’abril dins la sala de conferéncia del Centre Cultural, 25 avenguda Victor-Hugo, 12 000 a Rodés.
Totes los aderents de l’IEO son convidats a aquel moment fòrt important de la vida democratica de l'associacion. L’amassada generala es dubèrta a tots los aderents, personas fisicas e moralas (associacions aderentas) al jorn de lor escotisson. Cada aderent a una votz e pòt, en mai, èsser mandatat per dètz autras personas.
Lo bilanç de l’annada passada i serà presentat per votacion, e las activitats e accions per l’annada a venir i seràn discutidas e decididas. L’AG serà tanben aquesta annada lo moment de votar per un conselh d’administracion novèl, qu’es elegit totes los dos ans. Las candidaturas son dubèrtas e benvengudas.
