A la fin del mes de genièr de 2025 los organizators de l'Estivada, que se ten desenant a Sebasac prèp de Rodés, comunicavan sus lors accions.
Un primièr eveniment es previst lo dimècres 12 de febrièr, a l’Ostal de Ma Region, carrièra Béteille Rodés : En esperant l’Estivada.
Lo programa
- 16h30 acuèlh – vespralh
- 17h Espectacle Èri una cabra, de Sylvain Lamur, per pichons e grands
- 18h15 Conferéncia 1000 ans d’occitan, e uèi ? per Olivier Daillut
- 19h30 Aperitiu/concèrt amb lo talhièr cant de Trad en 4d e Primaël Montgauzi.
Al delà d'aquel primièr eveniment e contents d'aver poscut alargar l'associacion La Gardarem dempuèi l'an passat a de membres novèls, los membres de l’equipa s’atèlan ara a la preparacion de l’Estivada de 2025 que se debanarà los 24, 25 e 26 de julhet de 2025 a Sebasac.
Lo ligam, helloasso de La gardarem, permet d'aderar simplament e d'ajudar l'associacion.
L'escotisson de 10 € pòt tanben èsser mandat a l'associacion, 56 chemin des Crestes, Cantuel 12330 Saint-Christophe-Vallon.
