24/09/15 - Lo site del Washington Post propausa un article [ligam] sul futur de las lengas. De notar una mapa que representa los ligams interlengas en foncion de las traduccions fachas d'una lenga a l'autra.
Los cercaires l'an obtenguda de mercé las donadas de l'UNESCO's Index Translationum [ligam]
La lenga occitana es ben presenta. Es deseparada en tres. Una referéncia representa
- l'occitan modèrne nommat Occitan (post 1500) una autra
- l'occitan vièlh nommat Old Provencal (to 1500) e enfin una autra per
- l'occitan gascon nommat Gascon.
La mapa es [aicí]
Sus una autra mapa, que se pòt legir [aquí], lo grafic ligat a l'emplec de las lengas sus Wikipèdia fa ben mencion de lenga jos la denominacion d'occitan. Es pas presenta sus la mapa ligada a l'emplec de las lengas sus Twitter, çò que caracteriza la manca de visibilitat de l'occitan sus aquel mèdia.
