07/05/15 - Lo dijòus 7 de mai de 2015 foguèt inaugurat a Montpelhièr lo cursus bilingüe occitan de l'escòla mairala Francis Garnier que dubriguèt a la dintrada de 2014.
Comunicacion de la FELCO per la siá dubertura en2014 :
"Bèla capitada ! 10 ans que l'esperàvem, aquel sit bilingüe public a Montpelhièr.
"En decembre 2004, M.-J. Verny aviá rescontrat Philippe Saurel, qu'èra ja conselhièr municipal e li aviá presentadas las possibilitats legalas d'ensenhament public bilingüe. En 2009, lo CREO Lengadòc aviá escrich a Hélène Mandroux, conse de Montpelhièr. Entretemps, dins las escòlas Francis Garnier et Marie de Sévigné, nòstres collègas bastissián pauc a cha pauc una pedagogia de l'occitan, fasián montar la demanda de las familhas. La novèla municipalitat prenguèt los afaires en mans e s'endevenguèt amb las autoritats academicas per que la causa se faguèsse.
"E lo primièr sit bilingüe public de Montpelhièr dubriguèt a la dintrada 2014."
