Lo 3 de mai de 2019 pel primièr còp lo demonstrator talha reala de l'aeronèf CityAirbus s'enairèt a Donauwörth en Alemanha.
Lo constructor trabalha sus diferents projèctes de mobilitat per deman. Al còr de sas preocupacions la mobilitat urbana. Lo programa CityAirbus a per ambicion de respondre a aqueles futurs besonhs.
Aquel primièr test permetèt simplament d'esprovar la capacitat de descolatge de l'aparelh que demorèt ancorat al sòl per de cables. Es lo sistèma de propulsion e de contraròtle que èra al còr de las atencion dels engenhaires.
Lo veïcul es electric e dispausa de uèch elices gropadas per doas dins quatre cadres que susmontan l'aparelh. A per vocacion a tèrma d'èsser autonòm.
Un autre veïcul lo Vahana es tanben en cors de desvolopament per Airbus al dintre del centre de recèrca A3 del grop basat als Estats Units.
