Après Volocopter e Airbus que realizèran ongan lors primièrs vòls d'ensag per lors taxis volants, es la societat Lilium que al mes d'octobre desvelèt d'imatges de son veïcul en operacion.
L'entrepresa basada a Munich desvolopa dempuèi 2015, data de sa creacion, un sistèma de taxi volant. Lor primièr vòl en condicion reala foguèt realizat en 2019.
Lo veïcul pòt carrejar cinc personas : quatre passatgièrs e un menaire. Son trenta sièis motors electrics que permetan a l'aparelh de s'enairar e d'aterrar verticalament.
Los vòls podrián durar fins a una ora permetent de cobrir entrò a 300 quilomètres. Lor tòca es de poder deservir los centres de las vilas e los aeropòrts, e de levar aital las constrenchas impausadas per la densitat urbana que rend dificile los desplaçaments al sòl.
