L'aeropòrt de Pontoise en Illa de França s'organiza dempuèi qualque temps per venir lo luòc d'experimentacion privilegiat dels nòus veïculs de desplacament diches : taxis volants.
Es lo Volocity, prototip de la societat alemanda Volocopter, que tre lo mes de junh de 2021 deuriá debutar sos ensages sul site.
Son un trentenat d'actors del domèni que son estats seleccionats per trabalhar sus l'aerodròm.
Al nivèl de las entrepresas que desvolopan de veïculs, son estats seleccionats :
- Volocopter e lo Volocity ;
- Ascendance Flight Technologies, societat basada a Tolosa que desvolopa l'Atea ;
- Ehang, constructor chinés ;
- H3 Dynamics, implantat a singapor ;
- l'eslovèn Pipistrel ;
- Vertical Aerospace, basat al Reialme Unit que desvolopa VA-1X ;
- L'estatsunidian Zipline ;
- e tanben Airbus e Safran Electronics & Defense
Al delà dels veïculs, son totas las infrastructuras que son de tornar pensar emai los mejans d'integracions d'aquels novèls pichons avions dins l'espaci aerian.
De demonstracions en condicions realas son previstas tre los jòcs olimpics de 2024. Una ofèrta comerciala seriosa podriá debutar en 2030.
Lo relarg parisenc es potencialament considerat pels actors del sector coma un dels mai gròs mercats europèus.
