A París la societat Toit tout vert s'aprèsta a dubrir una sèrra per far créisser de legums.
D'autres projèctes d'aquela mena existisson endacòm mai coma lo de la Ferme Urbain Lyonnaise a Lion ont una equipa trabalha dempuèi d'annadas
Lo projècte parisenc se debriá concretizar dins lo 12en, sus una teulada plan expausada. La sèrra debriá espelir sus una susfàcia de 1 500 m2 en 2017.
L'objectiu de Toit tout vert, contrariament a d'autres projèctes que son ja en fasa de produccion e que se positionan sus de mercats plan limitats coma Paris sous les fraises, La Boîte à champignons o Topager, es d'èsser virat devèrs los particulièrs.
Los avantatges d'aquel tipe d'agricultura son nombroses : necesita mens d'aiga, lo produches son disponibles pel consumidor rapidament amb de fraisses de transpòrt limitats, la calor necessària a lor produccion proven per part dels bastiments... La societat prevei de mai de porgir los legums a las praticas via de tricicles electrics. Aquò, dins la jornada per evitar de stocar e de refrigerar las merças.
