Lo CFPO de Miègjorn-Pirenèus prepausa una formacion intensiva a l'occitan modèrne, per los que son en recèrca d'emplec dins los mestièrs ligats a la lenga e a la cultura occitanas.
La formacion se debana sus sièis meses, de genièr a junh de 2014.
- Durada en centre : 540 oras
- Estagi en entrepresa : 294 oras
- Nivèl d’entrada : bac.
- Dètz plaças disponiblas.
Presentacion : "L’objectiu d’aquesta accion es de permetre al beneficiari de construire un percors d’accès a l’emplec e/o a la formacion, en fasa amb son perfil e las filièras d’emplec occitanas. S’articularà doncas a l’entorn dels diferents contenguts seguents :
- coneissença dels mestièrs accessibles amb la lenga occitana
- iniciacion a la cultura occitana (grands eveniments e patrimònis culturals de la Region…)
- lenga occitana modèrna (nivèls de competéncia lingüistica divèrses)
- acompanhament del projècte professional."
