Segon un estudi menat en França per Epi-Phare en collaboracion amb l'Assegurança malautiá e l'Agéncia del medicament, los vaccins contra la covid-19 serián eficaces.
Los resultats son estats publicats al mes d'octobre de 2021. Lo trabalh d'Epi-Phare foguèt menat en França sur 22 milions de personas. Demòstra que d'èsser estat vaccinat redusís de 90 % lo risc d'ospitalizacion e de mòrt per las personas de mai de 50 ans.
Aquel constat val per totes los vaccins suls quals l'estudi portèt : Pfizer/BioNTech, Moderna e AstraZeneca. Demai an pas notada de baisa significativa d'eficacitat suls cinc primièrs meses après la vaccinacion.
L'estudi portèt unicament sus l'eficacitat dels vaccins contra las formas grèvas de la malautiá.