En genièr de 2022, lo mond es pas encara liberats del variant Delta que contunha de far de victimas e l'Omicròn s'installa d'en pertot mas la situacion se poiriá melhorar dins los meses que venon.
Segon las declaracions fachas en conferéncia de premsa la dimars 11 de genièr de 2022 per Marco Cavaleri en carga de l'estrategia vaccinala per l'Agéncia Europèa del Medicament (EMA) aquel nòu variant Omicron podriá transformar la covid-19 en malautiá endemica coma per exemple la gripa.
Tornèt ben rapelar pr'aquò qu'èrem sempre en fasa pandemica.
Omicròn es mai contagiós que los viruses precedents de la covid-19. Lo nombre de personas tocadas augmenta donc en consequéncia e ajuda a imunizar las gens. Las campanhas de vaccinacions fasent prodèl una possibla gestion de la marrana sembla aital se desenhar. Omicròn es demai mens dangieirós.
En fasa endemica una gestion de la malautiá via de vaccinacions en debuta d'ivèrn e non pas cada quatre o cinc meses coma actualament deuriá èsser possible.