Tot e son contrari es dich e escrich sus l'eficacitat dels vaccins contra la covid-19. Per poder evaluar eficaçament aquesta cal efectivament far d'estatisticas sus de donadas fisablas.
D'estudis serioses regularament tòrnan rapelar lor eficacitat coma aqueste menat per Epi-Phare en collaboracion amb l'Assegurança malautiá e l'Agéncia del medicament que foguèt publicat al mes d'octobre de 2021.
Aquò's possible de se convéncer simplament de lor eficacitat en agachant las donadas publicadas pel govèrn francés. Notadament lo tablèu que dona lo nombre de personas qu'intran en suènhs critics. Precisan aquí se las personas son o non vaccinadas.
Per aquel indicator lo 24 novembre de 2021 :
- Per un milion de personas non vaccinadas 71,41 intravan en suènhs critics.
- Per un milion de personas vaccinadas 6,68 intravan en suènhs critics.
Un rapòrt de mai de 10.
Per aquel meteis indicator lo 12 de decembre de 2021 :
- Per un milion de personas non vaccinadas 176,03 intravan en suènhs critics.
- Per un milion de personas vaccinadas 12,37 intravan en suènhs critics.
Un rapòrt de mai de 14 en defavor dels non vaccinats.
En clar, se sètz pas vaccinats avètz mai de dètz còp « l'astre » d'anar en suènhs critics. Cocanha !
Aquí çai-jos lo grafic :
Nombre de personas qu'intran en suènhs critics (per 1 milion de personas).