Lo ministre francés de la santat, Olivier Véran, desvelèt dijòus 25 de novembre de 2021 l'estrategia del govèrn per enfaciar l'èrsa cinquena de covid-19 que tusta lo país.
Cap de barraduras o de confinhament son pas previst pel moment. Es puslèu del costat de la vaccinacion e del bon respècte del comportament de cadun que l'executiu se vira.
Aital, lo rapèl vaccinal serà dubèrt a totas las personas de mai de 18 ans, cinc meses après la segonda injeccion, aquò tre lo dissabte 27 de novembre de 2021.
Après lo 15 de genièr de 2022 aquesta tresena injeccion serà necessària per poder servar son pass sanitari, sèt meses après la segonda injeccion. Pass que demòra en vigor.
Lo pòrt de la masqueta serà tornarmai obligatòri dins los luòcs barrats tre lo divendres 26 de novembre.