Dimars 26 de julhet de 2022, amassats a Brussèlas, los ministres dels païses de l'Union Europèa en cargas de l'energia se son acordats per redusir lor consum de gas.

Aquela decision interven après una novèla baissa de las liurasons russas via lo gasoduc dich Nòrd Stream. Coma o declarèt clarament Ursula von der Leyen presidenta de la Comission, dempuèi la debuta de son occupacion d'Ucraina, Russia « emplega lo gas coma una arma ».

La reduccion se farà d'un biais coordonat e solidari. D'unes païses son mai dependent que d'autres de las liurasons russas mas cadun deurà tot far per limitar l'utilizacion de gas. Una baissa de 15 % es esperada.

En cas de manca grèva un mecanisme podrà rendre la limitacion constrenhenta per cadun dels Estats. Las modalitats seràn adaptadas als Estats.

La decision, en cas de crisa, de constrénher los Estats a esparnhar, serà presa non pas per la Comission mas pel Conselh.