Lo dijòus 6 de març de 2026 lo govèrnament islandés propausèt l'organizacion d'un referendum per tornar prene las discussions al subjècte d'una intrada del païs dins l'Union Europèa.
Las discussions, qu'avián debutadas en 2010 après un demanda en 2009 d'intrada d'Islàndia dins l'Union, se son arrestadas d'a fons en 2015.
La votacion se fariá lo 29 d'agost de 2026. La ministra de l'exterior Thorgerdur Katrin Gunnarsdottir precisèt que la question pausada seriá : « Devon las negociacions per l'accession d'Islàndia a l'Union Europèa contunhar ? »
Doas responsas serián propausadas :« Òc, las negociacions devon contunhar » o « Non, devon pas contunhar. »
Subre los 33 capítols de discutir, 27 son ja estats passats en revista e clavats. Lo capítol sus la pèsca es pas estat dubèrt e promet d'èsser lo pus dificil se lo procèssus d'accession deviá tornar prene.