Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.
107 projèctes son estats seleccionats per reçaupre aquelas ajudas, atribuïdas dins l'encastre del mecanisme per l'interconexion en Euròpa. Mecanisme qu'a per objectiu de facilitar los desplaçaments dels ciutadans dins l'Union.
Mai de 80 % de las ajudan auràn per vocaccion de melhorar los malhums ferroviari, fluvial e maritim de la ret transeuropèa de transport (RTE-T). Aquesta deu venir mai eficienta, vèrda e intelligenta.
Seràn notadament ajudats :
- lo tunèl de basa del Brenner que religa Itàlia e Austria ;
- lo Rail Baltica que religa les tres Estats baltes e Polonha al demai de l'Union ;
- una part de la via ferroviaria transfrontalièra entre Alemanha e Païses Basses ;
- los pòrts d'Irlanda, Grècia, Espanha, Letònia, Lituània, dels Païses Basses e de Polonha recebràn d'ajudas per desvolopar l'alimentacion electrica suls cais per fin de redusir las emissions de las naus a l'estaca ;
- las infrastructuras de las vias navigablas interioras transfrontalièras entre França e Belgica seràn modernizadas ;
- los pòrts interiors de Danubi e de Ren seràn tanben ajudats ;
- al nivèl ferroviari, lo sistèma de gestion del trafic (ERTMS) serà installat sus las linhas e trens de Chequia, Danemarc, Alemanha, França, Austria e Eslovaquia ;
- per las estradas seràn despelegats de sistèmas e servicis de transpòrt intelligents (STI).
La ret transeuropèa de transport (RTE-T) compren nòu axes. Tres concernisson directament los païses occitans :
- l'axe mediteranèu ;
- l'axe atlantic ;
- l'axe nòrd/mar mediterranèa.
Mapa de la ret transeuropèa de transpòrt (RTE-T)