Corses sul calcul qüantic
En novembre de 2020 lo Centre Europèu per la Recèrca Nucleara (CERN) debutèt la publicacion sus internèt de corses sul calcul qüantic.
Precisan que cap de coneissensa en fisica qüantica es pas necessària per los seguir. Qualques coneissenças pr'aquò en algèbra lineara e en programacion amb de basas en Python son recomendadas.
Los corses assegurats, per Elias Fernandez-Combarro Alvarez, se concentran suls aspèctes pratics del calcul qüantic. Introdusisson los concèptes elementaris associats a aquel novèl mejan de calcular, coma la nocion de qübits.
Qualques aplicacions recentas son consideradas, notadament l'aprendissatge maquina qüantic (quantum machine learning). Lo cors torna tanben sul desvolopament dels ordinators qüantics.
La pagina dedicada a aqueles corses es [aquí]
