Lo Lector de la Val, Associacion de Bibliotècas del Lauragués (sud-èst de Tolosa), organiza d’octobre de 2017 a febrièr de 2018 son XXen concors de novèlas. Es dobèrt a totes e a gratis.

Compta quatre categorias : primari, segondari, licèus e adultes. Los tèxtes collectius son permeses se fan partida de l’ensenhament d’una classa tota.

Lo tèxt deu necessariament començar amb la frasa seguenta, que serà lo tèma ongan : « Tot destimborlat, lo gal de la giroleta vira e revira coma un bèl diable dins las ventadas de l’Autan. »

La forma serà la novèla. Lo genre demòra liure : fantastic, policièr, sciéncia-ficcion, istoric, romanèsc, aventura, etc... o pas brica de genre que siá.

L'ensemble deurà respectar un format cort (6 paginas, 30 linhas per pagina, polícia classica còrs 12), títol obligatòri.

Après la clavadura oficiala de las participacions lo 16 de febrièr de 2018, una jurada de professionals de la filièra del libre e de l'edicion, designarà los ganhants de cada categoria, que recebràn lor prèmi en junh de 2018.

Los laurejats veiràn lors tèxtes publicats e recebràn diferents presents en recompensa. De mai, a l'edicion dels tèxtes seleccionats per la jurada, s'apondrarà la realizacion d'un CD que contendrà la lectura dels melhors tèxtes occitans recebuts.

Per ne saupre mai clicar.


'Los tres gendres del paure òme' : presentacion de Domenja Blanchard

Los tres gendres del paure òme

En 2008 sortissiá lo libre d'Ives Roqueta Los tres gendres del paure òme.

Sèrgi Viaule sul libre de Jules Cubaynes 'Camins de guèrra'

Camin de guèrra, Jules Cubaynes

Una critica de Sèrgi Viaule pareguda dins lo jornal La Setmana en 2018.

Croàcia passa a l'èuro e intra dins l'espaci Schengen

Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.

Tolosa : Aplec de la sardana

Aplec de la sardana

Dins son magazine del mes de mai de 2019 la vila de Tolosa publicava una entrevista d'Estel Llansana que presentava l’Aplec de la sardana que s'anava debanar dins la vila.

Extrach del libre de Josèp Maffre 'Lo conse malgrat el'

Cencha de conse

Un tèxt publicat dins la revista Lo Gai Saber en 1939.