A la debuta del mes de febrièr de 2023 lo Centre d'Afrairament Occitano-Catalan (CAOC) de Barcelona comunicava sus la parucion del recuèlh : L’òme de la baudufa e d’autres racontes. Recampa los tèxtes dels finalistas del IIIen Concors de Racontes brèus en occitan Enric Garriga Trullols de 2022.
Lo concors a per vocacion de promòure la lenga e la cultura occitanas, d'afortir sa riquesa e sa creativitat.
Per aquesta tresena edicion, lo nombre de racontes presentats es en augmentacion. Vint-e-nòu tèxtes son estats editats.
Qualques tèxtes publicats :
- L’òme de la baudufa, Joris Heitz ;
- Un òme crudèu, Matieu Poitavin ;
- Agriutas amaras, Eliane Tourtet ;
- Un afar de sang, Alan Vidal ;
- Planvenguda a la vida, Federico Merino Mir ;
- Triptic de guèrra, Michel Gonin ;
- Lo gojat qui parlava la lenga vielha dau país meravilhós, Marie Armentia ;
- La dòna del parc, Chantal Demarest ;
- Sus leis alas dei vents, Lisa Gròs ;
- Dins lo rai dels astres, Laure-Anne Caraty ;
Lo CAOC organiza cada an lo Concors de Racontes brèus en occitan Enric Garriga Trullols. L'organizacion de la quatrena edicion en 2023 ven de començar.
