Calendreta sul sieu site presenta lo programa Familhas de Lengas de l'Institut Latinitas
Extrach : "Las escòlas occitanas Calandreta existisson dempuèi 30 ans. Pensan l’aprendissatge de l’occitan coma una dobertura sul mond, e an experimentat pro d’ora l’aprendissatge de mantunas lengas.
"La soscadissa alentorn del bilingüisme actiu aboriu per immersion, emai los escambis amb d’escòlas d’autres païsses endralhèron un trabalh sus las lengas.
"Aqueste trabalh, menat per de regents, e seguit per d’universitaris interessats, pròva la capacitat dels escolans de se dobrir a las autras lengas, e de dintrar dins las lengas de sa familha de mercé a sas capacitats bilingüas : dins las escòlas immersivas, los enfants se bastisson una representacion lingüistica qu’es pas tancada dins una sola lenga.
"Desvolopar sas capacitats es l’objectiu del programa Familhas de Lengas menat pel nòstre Institut cotria amb lo centre de formacion APRENE. La tòca de l’activitat de l’Institut Latinitas es de desvolopar una recèrca dins lo domeni dels aprendissatges lingüistics aborius.
"Bèl primièr, la mira es la recèrca e la concepcion dels metòdes d’ensenhament plurilingües de las lengas latinas.
"Las activitats de l’Institut son :
- l’experimentacion pedagogica, didactica e metodologica ;
- la creacion et l’edicion de material pedagogic sus tota mena de supòrt ;
- l’organizacion de las acampadas de trabalh, de rescontres e de collòquis ;
- la formacion dels ensenhaires e del personal"
Per ne saupre mai [clicar]
