10/2016 - Lo departament d'Òlt e Garona comunica - Après un an e mièg de trabalh de l’ATP (Arts e Tradicions Popularas), l’Ostau Marmandés durbissiá sas pòrtas lo 1ièr de septembre de 2016 dins l’ancian « Ostal dels Mestièrs d’art » carrièra Labat a Marmanda. Regroparà en un sol lòc totas las activitats dels ATP.
Aquel Ostau Marmandés es :
- un centre de diffusion de la cultura occitana dins lo Marmandés : corses d’occitan (gascon e lengadocian), aprentissatge de las danças tradicionalas, practica instrumentala (acordeon diatonic), talhièrs de teatre, velhadas gasconas, cants polifonics ;
- un musèu de las tradicions popularas e un lòc de mòstras : coifas, vestits, aisinas, jòcs tradicionals ;
- un centre de ressorsas per la creacion en occitan : bibliotèca, documents inedits, collectatges en rasal amb las associacions del departament e de la region ;
- un centre de formacion : estagis de lenga, de musica, de dança, de cant, de teatre ;
- un lòc de vida e d’animacion dubèrt al public : per de visitas organizadas (grops, escolans, associacions) e d’animacions (conferéncias, seradas contadas, musica e danças), cafè occitan (parlar e entendre la lenga al torn d’un cafè).
