Una importanta descobèrta arqueologica ven d'èsser facha a Usès (prima de 2017). Una mosaïca romana ben conservada es estada descavada alara que d'obrièrs trabalhavan sul site.
Una operacion de preservacion es en cors.
L'executiu de la region promet que l'òbra serà conservada en Occitània e expausada.
Los arqueològs que trabalhan actualament sul site precisan la natura d'aquela descobèrta : « Ce pavement est le fruit d’un savoir-faire assez exceptionnel pour l’époque. Probablement en provenance d’Italie. Vu la qualité du matériau et du geste, se payer ce type d’oeuvre n’était pas à la portée de tous ! On peut donc penser qu’elle ornait la villa d’un riche propriétaire, ou bien un bâtiment public. » çò dich Marc Célié de l'INRAP (Institut Nacional de las Recèrcas Arqueologicas Preventivas).
La mosaïca serà dins las setmanas que venon servada a la DRAC Occitània de Nimes per èsser netejada, estudiada e restaurada. Puèi debriá tornar en Usès per i èsser mostrada al public.
