Es en construccion a Narbona lo musèu Narbo Via que serà dedicat a la romanitat. Sa dubèrtura es prevista per 2020.
Lo bastiment situat prèp del canal de la Robina e pensat per l'arquitècte Norman Foster tornarà far viure, sus mai de 8 000 m2, lo passat antic de la ciutat narbonesa.
Lo musèu acculhirà las collections actualament servadas al Musèu arqueologic e al Musèu lapidari. Aurà tanben per vocacion d'aculhir los objèctes descobèrts a l'escasença de cavatges arqueologics de salvagarda efectuats dins la region.
Son mai de 15 000 pèças que trobaràn aquí lor plaça. Essencialament d'escalpraduras, de mosaïcas, de vases en ceramicas e autres objèctes del quotidian.
Un projècte aviat en 2010 jos la presidéncia de Georges Frêche.
De notar que s'es dubert lo 2 de junh de 2018 lo Musèu de la Romanitat de Nimes el tanben al còr d'un espaci d'una riquessa arqueologica excepcionala.
