Un tractor vèrd per cultivar las vinhas
Los viticultors independents del Gard presentavan lo dimars 28 de novembre de 2017 al salon SITEVI de Montpelhièr lo Tractor Verd.
Aquel veïcul electric permetriá a la profession de trabalhar los vinhals dins de melhoras condicions, en limitar los bruches, la pollucion, las vibracions.
Los desvolopaments son estats fach amb l'ajuda de l'Escòla de las Minas d'Alès e de l'IUT de Nimes.
Se pòt tornar cargar en una ora per una autonomia de mai de 4 oras de trabalh. Es previst per la traccion. Fa 1,40 m de larg per 3,25 m de long, lo sieu pes es de 1,7 tonas. Quatres motors plaçats dins las ròdas asseguran la traccion de l'ensemble. Poténcia 80 ch.
Los conceptors cèrcan un industrial desirós de portar lo projècte : industrializacion, promocion e difusion.
