Las societats Pfizer e BioNTech que desvolopan un vaccin contra la malautiá a coronavirus, dicha covid-19, an anonciat lo diluns 9 de novembre de 2020 que lor vaccin èra eficaç a 90 %.
Aquela estimacion se basa sus los resultats preliminaris dels darrièrs ensages que son a menar ; ensages de fasa 3.
La proteccion es estada obtenguda sèt jorns après la segonda injeccion. Aquesta se fa 28 jorns après la primièra.
Las entrepresas preveson de fornir fins a 50 milions de dòsas de vaccin dins lo mond en 2020 e fins a 1,3 miliard en 2021.
Aquel vaccin demòra pr'aquò d'èsser omologat per las autoritats competentas.
En consequéncia d'aquela anóncia los mercats borsièrs de pel mond pujan fòrtament. Lo CAC 40 en França torna prene mai de 7 %.
La societat Pfizer es basada al Estats Unit. BioNTech es una societat europèa basada en Alemanha.
