28/09/2015 - La NASA confirma la preséncia d'aiga a l'estat liquid sul planeta Mars.
L'analisa detalhada de las donadas obtengudas pels scientifics, mercés als instruments mandats en orbit - camèras, espectromètres - permet segon la NASA d'afortir que d'aiga a l'estat liquid es ben presenta sus Mars, jos forma de salmoira : d'aiga mesclada amb de sal, exactament amb de perchlorate de magnesium, de chlorate de magnesium o de perchlorate de sodium.
Aquel mescladís pòt demorar a l'estat liquid fins a -70°C, çò qu'explica los escolaments observats, que la temperatura sus Mars es quasi de contunh sota zèro.
La question que se pausa ara es : d'ont ven l'aiga que forma aquela matèria ? Del sòl, de l'atmosfèra marciana ?
Aquela descobèrta enriquís nòstra coneissença del sòl marcian encara pro limitada, e encoratja la comunitat scientifica a perseguir las recèrcas.
