L'Ostal Sirventés de Carcassona organiza del 2 al 13 de julhet de 2018, a l'Ostal Sirventés (79, la Trivala, a Carcassona) lo Sirventés d'Estiu.
L'eveniment marca lo remembre del 25 de junh de 1218, data istorica ont, amb la mòrt de Simon de Montfòrt al pè de las muralhas de Tolosa, se dobrissiás pels païses occitan un temps d'espèr après nòu annadas d'una Crosada sagnosa.
L'eveniment s'organiza al torn d'una mòstra e de tres encontres.
La mòstra 1218-2018 recampa fotografias dels luòcs significatius de l'Occitània medievala degudas a Joan-Loís Gasc, repren las gravaduras consacradas a la Canso per Estefan Lalou e Blandina Lequesne e presenta doas aqüarèlas originalas d'Anna Réby.
L'estrena de la mòstra se farà lo diluns 2 de julhet, a 18h.
Las intervencions (dintrada liura, a 18h) concerniràn :
- Los trobadors fàcia a la Crosada, subjècte presentat per Gerard Zuchetto (director del festenal Los trobadors cantan l'art romanic), lo divendres 6 de julhet.
- L'istòria occitana, tractada per Joan Sagnes, autor del libre Petite histoire de l'Occitanie a las edicions Cairn, lo diluns 9 de julhet.
- La cronologia de l'an 1218, a Tolosa, presentada per Jòrdi Laboissa, lo divendres 13 de julhet.
Aquestes rendètz-vos son organizats per l'Institut d'Estudis Occitans-Aude e lo Cercle Occitan del país de Carcassona, amb la participacion dels Companhs de Paratge e de l'ADREUC, e amb lo sosten de la Comuna de Carcassona, del departament d'Aude e de l'Ofici Public per la Lenga Occitana.
La mòstra serà dobèrta del diluns al divendres, de 16h a 17h, fins al 13 de julhet de 2018.
