Coma cada an las Calandretas Besierencas, la Calandreta Dagtenca e lo CIRDÒC orgnizan lo Prèmi literari Calandreta.
Creat en 2016 per la Calandreta Dagtenca, aquel prèmi literari, dubèrt a totas las escòlas que se vòlon marcar, convida los joves lectors a votar per l'obratge qu'aiman mièlhs entre una seleccion d'òbras en occitan (quatre per cada cicle).
Es una jurada de mai de 1 000 joves lectors qu'autrejarà aquel Prèmi literari Calandreta. La proclamacion de las resultas se fa a l'escasença d'una granda jornada de fèsta, d'encontres amb los autors e d'escambis a l'entorn del plaser de legir : la Passejada literària.
Après Agde, Nimes e Carcassona, es a las Calandretas de Besièrs d'aculhir aquel eveniment. Un temps fòrt de la literatura de joinesa en occitan. L'eveniment festiu se debanarà ongan sul plan dels Poètas a Besièrs lo 13 de mai de 2022.
